【on.cc東網專訊】落街放狗,唔通真係要行幾十層樓梯!有網民在社交網站一個專頁,上載一張由大埔一個屋苑辦事處發出的通告,惟當中條文,觸動部分狗主的神經。有養狗人士更直言:「狗都有權利搭Lift,請尊重生命!」
究竟咩條文引起此風波?原來該通告由辦事處上月發出,指有住戶投訴養狗人士於非指定時間帶狗隻出入屋邨公眾地方,及於公眾地方便溺。因此作出提醒,其中一項條文為,「任何人士不得帶同狗隻在上午七時至下午九時期間使用本邨內的升降機」。樓主直言:「咁樣對啲狗,真的假的?」其後即時受到一眾無狗人士反駁,「有咩問題?」、「公屋根本唔畀養狗,夾硬養受害係隻狗!」平台即時變成文字戰場,爭議聲不斷。
值得一提,有網民更大爆相同貼文曾於昨晚出現,因爭議性太多,當晚已由發貼者自行刪貼。有網民則笑言:「又嚟!」、「變咗日經Post啦!」
網民有話說:
Tim Yung:我都覺得好合理,樓主覺得有乜問題呢?不妨提出來研究?
Ukyo Ip:其實房署本身係唔比養,養已經會被收屋,現在已經是人情來,都合理要求。
Fong Lun Chan:明知唔得又要硬來,到人哋捉又話不近人情,而家養狗大晒的嗎??
Matthew Choi:人地已經好中肯咁寫,樓主唔係唔知唔比養狗?