收樓之前，你哋將會收到3封信（次序可能有別，以下只係我當年嘅經歷）
第一封信係房屋署嘅信，內容大致上係你即將收樓，你要準備好你嘅代表律師同埋盡快找銀行做好按揭等內容
第二同第三封信係房屋署嘅代表律師樓寄俾你，兩封信嘅內容係一樣，一封係平郵，一封係掛號，內容係關於幾時之前要完成交易等等嘅資料
最後係「第二次」上到自己嘅代表律師嘅律師樓，律師樓會俾一封文件你，內容係自己個屋苑嘅管理處電話，你要按照封信嘅辦公時間打電話俾管理處，預約時間去攞鎖匙收樓，你必須要打電話去管理處預約收樓，而唔係你鍾意幾時就幾時！
你無約時間而自己衝咗去，管理處係唔會理你。(將心比己，八百幾戶無預約剷去收樓，管理處點招呼你哋，係咪？！）
免責聲明：
以上只小弟當年收樓嘅經歷，並不代表現在的收樓過程本留言最後由 香港好熱 於 2023-05-18 03:20:58 編輯
