有時創作力量同幻想真會嚇你一跳,畀你諗多1,000次都未必會諗到手機殼原來可以溝埋咖啡機!意大利創意發明家Clemente Bionde剛剛將一件非常有「創意」的產品放上Kickstarter眾籌,正如先前所講,就是一個名為Mokase的咖啡機手機殼,無論去到邊度想飲一份Espress都話都無咁易。Mokase手機殼在機側位置設有一個方型空間,用以放入特製的微型Expresso咖啡囊,配合機殼內的微型發電線,只需5秒至8秒,就可製作出一份25ml約50度至60度的Espresso,然後從設於手機殼頂部的微型出口就可倒出Espresso。講得上是咖啡機手機殼,設計師更特別為Mokase開發了一個手機App,製作咖啡時要用App啟動先得,而唔需要在手機殼上按掣,不過另一方面睇用App控制都幾多餘。但到底Mokase手機殼內置發熱線安唔安全,又或者會唔會出現咖啡滲漏而整壞手機呢?相信好多人都會有這些疑問。Mokase手機殼(對應Apple、Samsung、Huawei及LG主流手機/已包括2個咖啡囊)支持價49歐元(約$420),而30個咖啡囊支持價則是20歐元(約$171),但目前集資情況似乎唔太樂觀,照目前勢都幾難達到75,000歐元的集資額去正式生產。
資料來源:Kickstarter
文:布偉倫
Mokase咖啡機手機殼確實係幾有創意,但有時創意太厲害,一般用家未必接受得到。
只需將咖啡囊放入手機殼內,再開App啟用,5至8秒即能製作一份Espresso。
手機殼內置發熱線及微型導管,用以加熱咖啡囊及倒出咖啡。